മാവേലിക്കര: കേരള കോൺഗ്രസ് മാവേലിക്കര നിയോജക മണ്ഡലം കമ്മറ്റിയുടെ നേതൃത്വത്തിൽ മാവേലിക്കര നിയോജക മണ്ഡലത്തിലെ നാലു പഞ്ചായത്തുകളിലും നഗരത്തിലുമായി 2500 വീടുകളിൽ 5000 കുറ്റ്യാടി തെങ്ങിൻതൈകൾ നട്ടു കൊടുക്കുന്ന കേര കാർഷിക വ്യാപന യജ്ഞത്തിലേക്ക് കർഷകരെ കണ്ടെത്തുന്നതിനു വേണ്ടിയുള്ള ഭവന സന്ദർശന പരിപാടി ആരംഭിച്ചു. കേരള ഐ.റ്റി ആൻഡ് പ്രൊഫഷണൽ കോൺഗ്രസ് ചെയർമാൻ അപ്പുജോൺ ജോസഫ് ഉദ്ഘാടനം ചെയ്തു.
ജില്ല പ്രസിഡൻറ് ജേക്കബ് എബ്രഹാം, ഉന്നതാധികാര സമതി അംഗങ്ങളായ തോമസ് എം.മാത്തുണ്ണി, തോമസ്.സി കുറ്റിശ്ശേരിൽ, സംസ്ഥാന ജനൽ സെക്രട്ടറി കെ.ജി സുരേഷ്, നിയോജക മണ്ഡലം പ്രസിഡന്റ് റോയി വർഗീസ്, ജെയിസ് ജോൺ വെട്ടിയാർ, ജോർജ് മത്തായി, ഉമ്മൻ ചെറിയാൻ, സാജൻ നാടാവള്ളിൽ, ജേക്കബ് വള്ളക്കാലി തുടങ്ങിയവർ നേതൃത്വം നൽകി.