മാന്നാർ: മാവേലിക്കര ബ്ലോക്ക് പഞ്ചായത്തിന്റെ നേതൃത്വത്തിൽ തൊഴിലുറപ്പ് തൊഴിലാളികളുടെ സഹായത്തോടെ അടുക്കളത്തോട്ടം പദ്ധതിയിൽ ഉൾപ്പെടുത്തി മാന്നാർ ഗ്രാമപഞ്ചായത്ത് പന്ത്രണ്ടാം വാർഡിൽ നടപ്പിലാക്കിയ ഹരിതം കിഴങ്ങുവിള കൃഷിയുടെ വിളെടുപ്പ് നടത്തി. ഗ്രാമപഞ്ചായത്ത് പ്രസിഡന്റ് ടി.വി രത്നകുമാരി ഉദ്‌ഘാടനം നിർവഹിച്ചു. ചേമ്പ്, ചേന, കാച്ചിൽ തുടങ്ങിയവയാണ് വിളവെടുത്തത്. വാർഡ് മെമ്പർ അജിത്ത് പഴവൂർ അദ്ധ്യക്ഷത വഹിച്ച യോഗത്തിൽ എ.ഡി.എസ് പ്രസിഡന്റ് മായ സുരേഷ്, സി.ഡി.എസ് അംഗം രാധ ഗോപി, സുശീല സോമരാജൻ, ഗീതാ, സുശീല തുടങ്ങിയവർ സംസാരിച്ചു.