ആലപ്പുഴ: കൃഷിക്കാരുടെ താല്പര്യങ്ങൾ സംരക്ഷിക്കുന്നതിനു വേണ്ടി പോരാടിയ കർഷക സ്‌നേഹിയായിരുന്നു കെ.എം. ജോർജ് എന്ന് കെ.പി.സി.സി ജനറൽ സെക്രട്ടറി എ.എ.ഷുക്കൂർ അഭിപ്രായപ്പെട്ടു. കേരള രാഷ്ട്രീയ പഠന ഗവേഷണ കേന്ദ്രത്തിന്റെ അഭിമുഖ്യത്തിൽ നാല്പത്തിയേഴാമത് കെ.എം. ജോർജ് ചരമ വാർഷിക അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
കേരള കോൺഗ്രസ് സംസ്ഥാന സെക്രട്ടറി തോട്ടുങ്കൽ ജോർജ് ജോസഫ് അദ്ധ്യക്ഷത വഹിച്ചു . ബേബി പാറക്കാടൻ, പ്രദീപ് കൂട്ടാല, ടി.കുര്യൻ, ബീന റസാഖ്, പി.ജെ.കുര്യൻ തുടങ്ങിയവർ സംസാരിച്ചു