മാന്നാർ: വിശുദ്ധ തോമാശ്ലീഹായുടെ ഓർമ്മ പെരുന്നാളിനോടനുബന്ധിച്ച് പാവുക്കര സെന്റ് തോമസ് ഓർത്തഡോക്സ് ഇടവകയിൽ മാർത്തോമൻ സ്മൃതി പ്രഭാഷണം നടന്നു. ഇടവക വികാരി ഫാ.ജയിൻ സി.മാത്യു അദ്ധ്യക്ഷത വഹിച്ച യോഗത്തിൽ ഡോ.ഗീവർഗീസ് മാർ യൂലിയോസ് മെത്രാപോലീത്ത ഉദ്ഘാടനം നിർവഹിച്ചു. പരുമല സെമിനാരി മാനേജർ കെ.വി പോൾ റമ്പാച്ചൻ മുഖ്യപ്രഭാഷണം നടത്തി. ഇടവക ട്രസ്റ്റി ടി.ജെ ജോസഫ് തോലമ്പടവിൽ, സെക്രട്ടറി വിജു പി.ജി പടിയാത്തു വടക്കേതിൽ, പെരുന്നാൾ കൺവീനർ സാബു ടി.എസ് തോട്ടു നിലത്ത്, അനൂപ് വി.തോമസ് എന്നിവർ പ്രസംഗിച്ചു.