ചേർത്തല:നവകേരള സദസിന്റെ പ്രചാരണത്തിന് സ്ത്രീവേഷം അണിഞ്ഞ് കരപ്പുറം രാജശേഖരൻ. സെ​റ്റ് സാരിയും ആഭരണങ്ങളും അണിഞ്ഞ് ചമയങ്ങളുമായി ചേർത്തല കെ.എസ്.ആർ.ടി.സി ബസ് സ്​റ്റാൻഡ് പരിസരത്തായിരുന്നു വേറിട്ട പ്രചാരണം.ദീപംതെളിച്ച് പുഷ്പവൃഷ്ടിക്ക് ശേഷം വയലാർ രാമവർമ്മയുടെ ഗാനം ആലപിച്ച രാജശേഖരൻ നവകേരള സദസിൽ പങ്കെടുക്കണമെന്ന് ആൾക്കൂട്ടത്തോട് അഭ്യർത്ഥിച്ചു. വയലാർ ഫാൻസ് അസോസിയേഷൻ ജനറൽ സെക്രട്ടറിയായ ഇദ്ദേഹം ഒ​റ്റയാൾ പ്രതികരണത്തിലൂടെ ശ്രദ്ധേയനാണ്.