ആലപ്പുഴ: ഇന്ത്യയിലെ ഏറ്റവും വേഗതയേറിയ സോളാർ ബോട്ടായ ബരക്കുഡ ഇന്നലെ അരൂരിൽ നീറ്റിലിറക്കി. മസഗോൺ ഡോക്ക് ഷിപ്പ് ബിൽഡേഴ്സ് ലിമിറ്റഡും കൊച്ചി ആസ്ഥാനമായി പ്രവർത്തിക്കുന്ന നവാൾട്ടും സംയുക്തമായി വികസിപ്പിച്ച ബോട്ട് അരൂർ മണ്ഡലത്തിലെ പാണാവള്ളി യാർഡിലാണ് നിർമ്മിച്ചത്. അതിവേഗത്തിൽ നീങ്ങുന്ന കടൽമത്സ്യമായ ബരക്കുഡയുടെ പേരാണ് ബോട്ടിന് നൽകിയിരിക്കുന്നത്.കേരളത്തിൽ ഉയർന്നുവരുന്ന സംരംഭങ്ങളുടെ സാങ്കേതിക മികവ് കൂടി വ്യക്തമാക്കുന്നതാണ് അത്യാധുനിക പരിസ്ഥിതിസൗഹൃദ ബോട്ട്. നവാൾട്ടിന്റെ സൗരോർജ്ജ ബോട്ടുകൾ സാങ്കേതികവിദ്യയ്ക്കും ഡിസൈനും കാർബൺ വിമുക്ത സമുദ്ര ഗതാഗതത്തിനുമുള്ള അന്താരാഷ്ട്ര അംഗീകാരങ്ങൾ നേടിയിട്ടുണ്ട്.
12 പേർക്ക് യാത്ര ചെയ്യാം
12 നോട്ടിക്കൽ മൈൽ വേഗത
ഒറ്റ ചാർജിൽ 7 മണിക്കൂർ റേഞ്ച്
14 മീറ്റർ നീളം 4.4 മീറ്റർ വീതി
50 കിലോ വാട്ടുള്ള രണ്ട് ഇലക്ട്രിക് മോട്ടോറുകൾ
ഒരു മറൈൻ ഗ്രേഡ് എൽ.എഫ്.പി ബാറ്ററി
6 കിലോ വാട്ട് സോളാർ പവർ
നാല് മീറ്റർ വരെ ഉയരമുള്ള തിരമാലകളിലൂടെ സഞ്ചരിക്കാം
.