തുറവൂർ: വളമംഗലം കാടാതുരുത്ത് മഹാദേവീ ക്ഷേത്രത്തിലെ പൊങ്കാല സമർപ്പണം ഭക്തി നിർഭരമായി.എസ്.എൻ ഡി പി യോഗം കാടാതുരുത്ത് ശാഖാ പ്രസിഡന്റ് കെ.എം.സുദേവ് ശ്രീകോവിലിൽ നിന്നും ഭദ്രദീപം ഏറ്റുവാങ്ങി പണ്ടാര അടുപ്പിലേക്ക് അഗ്നി പകർന്നതോടെ പൊങ്കാലയ്ക്ക് തുടക്കമായി. നാടിന്റെ വിവിധ ഭാഗങ്ങളിൽ നിന്നെത്തിയ നൂറ് കണക്കിന് ഭക്തർ പങ്കെടുത്തു. ചടങ്ങുകൾക്ക് ക്ഷേത്രം മേൽശാന്തി ബൈജു ശാന്തി മുഖ്യ കാർമ്മികത്വം വഹിച്ചു. പൊങ്കാല സമർപ്പണത്തിനുശേഷം അന്നദാനവും നടന്നു.