തുറവൂർ: തുറവൂർ അനന്തപുരി അനന്തമഹാവിഷ്ണു ക്ഷേത്രത്തിലെ ശ്രീമന്നാരായണീയ സപ്താഹ ജ്ഞാന മഹായജ്ഞം 24 ന് ആരംഭിച്ച് 31 ന് സമാപിക്കും. ചെന്നൈ കെ.ആർ.നാരായണസ്വാമി യജ്ഞാചാര്യനും ക്ഷേത്രം മേൽശാന്തി അഭിലാഷ് ശാന്തി യജ്ഞ ഹോതാവുമാണ്. 24 ന് വൈകിട്ട് 5 ന് യജ്ഞമണ്ഡപത്തിൽ പ്രതിഷ്ഠിക്കാനുളള ശ്രീകൃഷ്ണ വിഗ്രഹവും വഹിച്ചു കൊണ്ടുള്ള ഘോഷയാത്ര തുറവൂർ മഹാക്ഷേത്രത്തിൽ നിന്നാരംഭിക്കും. ദീപാരാധനയ്ക്കുശേഷം 6.30 ന് തന്ത്രി കുമരകം ജിതിൻ ഗോപാൽ ഭദ്രദീപം പകർന്നു നൽകും . വയലാർ ശങ്കർദാസ് ജ്യോത്സ്യൻ ഭദ്രദീപ പ്രകാശനം നിർവഹിക്കും. ജ്യോതി ശ്രീകൃഷ്ണൻ വിഗ്രഹ സമർപ്പണവും സുധാമ്മ ചങ്ങരത്ത് ഗ്രന്ഥസമർപ്പണവും നാലുകുളങ്ങര ക്ഷേത്രം മേൽ ശാന്തി വാരണം ടി.ആർ.സിജി ശാന്തി അനുഗ്രഹ പ്രഭാഷണവും നടത്തും.