ചേർത്തല:തണ്ണീർമുക്കം ഗ്രാമപഞ്ചായത്തിന്റെ വെള്ളിയാകുളത്തുള്ള ടേക്ക് എ ബ്രേക്ക് പൊതുജനങ്ങൾക്കായി തുറന്നുകൊടുത്തു. ഗ്രീൻ ബൗൾ എന്ന കുടുംബശ്രീ സംരംഭക യൂണി​റ്റിനാണ് പ്രവർത്തന മേൽനോട്ടം. 5 വനിതകളാണ് സംരംഭക യൂണി​റ്റ് പ്രവർത്തിപ്പിക്കുന്നത്. ജില്ലയിലെ ഏ​റ്റവും വലിയ ടേക്ക് എ ബ്രേക്കാണ് വഴിയിടം എന്ന പേരിൽ വെള്ളിയാകുളത്ത് പ്രവർത്തിക്കുന്നത്. വിശാലമായ പാർക്കിംഗ് സൗകര്യം,വിസ്താരമുള്ള വിശ്രമമുറി,ഫീഡിംഗ് റൂം,വനിതകൾക്ക് പ്രത്യേക വിശ്രമസ്ഥലം, ഫുഡ് കോർട്ട്, ഐസ്‌ക്രീം പാർലർ എന്നിവ ഇവിടെ ഒരുക്കിയിട്ടുണ്ട്.

വെള്ളിയാകുളത്ത് നിർമ്മിച്ചു വരുന്ന കുട്ടികളുടെ പാർക്ക്, ഓപ്പൺ സ്​റ്റേജ്,വാക്ക് വേ, ബോട്ടിംഗ് സംവിധാനം എന്നിവയെല്ലാം പ്രദേശത്ത് ആഭ്യന്തര വിദേശ ടൂറിസ്​റ്റുകളെ ആകർഷിക്കത്തക്ക നിലയിലാണ് രൂപകല്പന ചെയ്തിട്ടുള്ളത്. ഫുഡ് കോർട്ട് ഉദ്ഘാടനം ഗ്രാമപഞ്ചായത്ത് പ്രസിഡന്റ് ജി.ശശികല നിർവഹിച്ചു വൈസ് പ്രസിഡന്റ് പ്രവീൺ ജി. പണിക്കർ അദ്ധ്യക്ഷത വഹിച്ചു.വാർഡ് അംഗം മാത്യു കൊല്ലേരി സ്വാഗതം പറഞ്ഞു ബ്ലോക്ക് പഞ്ചായത്ത് അംഗം വി.കെ.മുകുന്ദൻ,ഷൈമോൾ കലേഷ്,ഷാജിമോൻ ,
പി.ജെ.തോമസ്,സുധർമ സന്തോഷ് എന്നിവർ സംസാരിച്ചു.കെട്ടിടം നേരത്തെ മന്ത്റി സജി ചെറിയാൻ ഉദ്ഘാടനം ചെയ്തിരുന്നു.