അമ്പലപ്പുഴ: അഞ്ജന മധുവിന്റെ രണ്ടാമത് കവിതാ സമാഹാരം ഇന്ന് വൈകിട്ട് 4ന് പുന്നപ്ര വിജ്ഞാനപ്രദായിനി ഗ്രന്ഥശാലയിൽ പ്രകാശനം ചെയ്യും. ഹരികുമാർ വാലേത്ത് സമ്മേളനം ഉദ്ഘാടനം ചെയ്യും. ഗ്രന്ഥശാല പ്രസിഡന്റ് കെ.ആർ.തങ്കജി അധ്യക്ഷനാകും. ഉണ്ണികൃഷ്ണൻ കീച്ചേരി മുൻ എം.എൽ.എ വി.ദിനകരന് നൽകി പുസ്തകപ്രകാശനം നിർവഹിക്കും. രമേശ് മേനോൻ പുസ്തകം പരിചയപ്പെടുത്തും. പ്രൊഫ.എ.വി.താമരാക്ഷൻ, പുന്നപ്ര തെക്ക് ഗ്രാമപഞ്ചായത്ത് പ്രസിഡന്റ് പി.ജി.സൈറസ്, ലൈബ്രറി കൗൺസിൽ ജില്ലാ പ്രസിഡന്റ് അലിയാർ മാക്കിയിൽ, ഡി.അഖിലാനന്ദൻ, ശ്യാം എസ്.കാര്യാതി, അമൃതരാജ് എന്നിവർ സംസാരിക്കും.