ആലപ്പുഴ: കേരള നോളജ് ഇക്കണോമി മിഷൻ ജില്ലാ സ്‌കിൽ ഫെയർ ഇന്ന് സംഘടിപ്പിക്കുന്നു.തൊഴിലുകളിലേക്ക് ഉദ്യോഗാർത്ഥികളെ പ്രാപ്തരാക്കുന്നതിന് പ്രത്യേകം തിരഞ്ഞെടുക്കപ്പെട്ടിരിക്കുന്ന നൈപുണ്യ പരിശീലന പ്രോഗ്രാമുകളുടെ പ്രദർശനം ഇതിന്റെ ഭാഗമായി ഒരുക്കും.ആയിരത്തിൽ അധികം തൊഴിലുകളിലേക്കുള്ള രജിസ്ട്രഷനും നോളജ് മിഷൻ വഴി നൽകുന്ന സൗജന്യ കരിയർ ഡെവലപ്പ്മെന്റ് സർവീസുകൾ , സ്‌കിൽ സ്‌കോളർഷിപ്പുകൾ , ഇന്റേൺഷിപ്പുകൾ , അപ്പ്രെന്റിഷിപ്പുകൾ തുടങ്ങിയവയിലേക്കുള്ള സ്പോട്ട് രജിസ്ട്രഷനുകളും കൂടാതെ വിവിധ ഇൻഡസ്ട്രികളുടെ നേതൃത്വത്തിലുള്ള മാസ്റ്റർ സെഷനുകളും സ്‌കിൽ ഫെയറിന്റെ ഭാഗമായി നടക്കും. 18 വയസ് മുതൽ 58 വയസ് വരെയുള്ള ഏതൊരു വ്യക്തിക്കും ജില്ലാ സ്‌കിൽ ഫെയറുകളിൽ സൗജന്യമായി പങ്കെടുക്കാം. ഇന്ന് കായംകുളം എം.എസ്.എം കോളേജിൽ നടക്കുന്ന സ്‌കിൽ ഫെയറിൽ പങ്കെടുക്കുവാൻ www.knowledgemission.kerala.gov.inൽ രജിസ്റ്റർ ചെയ്യണം. ഫോൺ : 04712737881.