നറുക്കെടുപ്പ് വേണ്ടി വരും

മാന്നാർ: മാന്നാർ ഗ്രാമപഞ്ചായത്ത് വൈസ് പ്രസിഡന്റായിരുന്ന സുനിൽ ശ്രദ്ധേയത്തിനെ ഹൈക്കോടതി അയോഗ്യനാക്കിയതിനെ തുടർന്ന് ഒഴിവ് വന്ന സ്ഥാനത്തേക്ക് നാളെ തിരഞ്ഞെടുപ്പ് നടക്കും. ഗ്രാമപഞ്ചായത്ത് കോൺഫറൻസ് ഹാളിൽ രാവിലെ പതിനൊന്നിന് നടക്കുന്ന തെരഞ്ഞെടുപ്പിൽ കോഓപ്പറേറ്റിവ് സൊസൈറ്റി(ആഡിറ്റ്) അസിസ്റ്റന്റ് ഡയറക്ടർ വരണാധികാരിയായിരിക്കും. ആ​കെ​യു​ള്ള​ ​പ​തി​നെ​ട്ട് ​ സീ​റ്റിൽ​ ​സു​നി​ൽ​ ​ശ്ര​ദ്ധേ​യം​ ​പു​റ​ത്താ​യ​തോ​ടെ​ ​എ​ൽ.​ഡി.​എ​ഫി​നും​ ​യു.​ഡി.​എ​ഫി​നും​ ​എ​ട്ട് ​സീ​റ്റ് ​വീ​ത​വും​ ​ബി.​ജെ.​പി​ക്ക് ​ഒ​രു​ ​സീ​റ്റു​മാ​ണ് ​നിലവിലുള്ളത്.​ 19 നു നടന്ന ​പ്രസിഡന്റിനെതിരെയുള്ള അവിശ്വാസപ്രമേയ ചർച്ചയിൽ നിന്ന് ബി.ജെ.പി വിട്ടു നിന്നിരുന്നു. വൈസ് പ്രസിഡന്റ് തിരഞ്ഞെടുപ്പിലും ബി.ജെ.പി വിട്ടു നിൽക്കാനാണ് സാദ്ധ്യത. അങ്ങനെയായാൽ വോട്ടിംഗ് നില 8 വീതം തുല്യ നിലയിലെത്തുമെന്നതിനാൽ നറുക്കെടുപ്പിലൂടെയായിരിക്കും വൈസ് പ്രസിഡന്റിനെ തെരഞ്ഞെടുക്കുക. യു.ഡി.എഫിൽ നിന്നും മുസ്ലിം ലീഗിലെ ഷൈന നവാസ് സ്ഥാനാർത്ഥിയാകുമെന്ന് ഏറെക്കുറെ ഉറപ്പായിട്ടുണ്ട്. എൽ.ഡി.എഫിൽ കേരള കോൺഗ്രസ് (എം) വൈസ് പ്രസിഡന്റ് സ്ഥാനത്തിനായി ആവശ്യം ഉന്നയിച്ചിട്ടുണ്ടെങ്കിലും തീരുമാനം ആയിട്ടില്ല.