ആലപ്പുഴ: തണ്ണീർമുക്കം ബണ്ടിന്റെ ഷട്ടറുകൾ അടയ്ക്കാൻ ജില്ലാകളക്ടർ ജോൺ വി.സാമുവലിന്റെ അദ്ധ്യക്ഷതയിൽ ഓൺലൈനായി ചേർന്ന യോഗത്തിൽ തീരുമാനമായി. ഷട്ടറുകൾ ഇന്നു മുതൽ അടയ്ക്കും. കാർഷിക കലണ്ടർ പ്രകാരം ഡിസംബർ15 നാണ് ഷട്ടറുകൾ അടക്കേണ്ടിയിരുന്നത്. എന്നാൽ,​ ഈ മാസം നല്ല മഴ ലഭിച്ചതിനാലാണ് ഷട്ടറുകൾ അടയ്ക്കാൻ വൈകിയത്. തോമസ് കെ. തോമസ് എം.എൽ.എ, ദുരന്ത നിവാരണ വിഭാഗം ഡെപ്യൂട്ടി കളക്ടർ ആശ സി.എബ്രഹാം, വിവിധ വകുപ്പ് ഉദ്യോഗസ്ഥർ, ജനപ്രതിനിധികൾ, കമ്മിറ്റി അംഗങ്ങൾ തുടങ്ങിയവർ പങ്കെടുത്തു.