ചേർത്തല: ശിവഗിരി തീർത്ഥാടന നഗരിയിൽ ധർമ്മപതാക ഉയർത്തുന്ന കൊടിക്കയറുമായുള്ള പദയാത്ര കളവംകോടം ശക്തീശ്വരം ക്ഷേത്രത്തിൽ നിന്ന് പ്രയാണം തുടങ്ങി. ശ്രീനാരായണ ധർമ്മസംഘം ട്രസ്റ്റ് ജനറൽസെക്രട്ടറി സ്വാമി ശുഭാംഗാനന്ദ പദയാത്ര ക്യാപ്റ്റൻ വിജയഘോഷ് ചാരങ്കാടിന് കൊടിക്കയർ കൈമാറി.
താലൂക്ക് മഹാസമാധി ദിനാചരണക്കമ്മി​റ്റിയുടെ നേതൃത്വത്തിലാണ് പദയാത്ര. 91ാമത് തീർത്ഥാടനത്തെ പ്രതിനിധീകരിച്ച് 91പേരാണ് പങ്കെടുക്കുന്നത്.പദയാത്രയ്ക്കു മുന്നോടിയായി ക്ഷേത്രത്തിൽ നടന്ന സമ്മേളനം എ.എം.ആരിഫ് എം.പി ഉദ്ഘാടനം ചെയ്തു.താലൂക്ക് മഹാസമാധിദിനാചരണക്കമ്മി​റ്റി ചെയർമാൻ വിജയഘോഷ് ചാരങ്കാട്ട് അദ്ധ്യക്ഷനായി.ക്ഷേത്രം പ്രസിഡന്റ് സി.കെ.ഷാജിമോഹൻ,നഗരസഭ വൈസ് ചെയർമാൻ ടി.എസ്.അജയകുമാർ, സി.ആർ.ജയപ്രകാശ്,കെ.ആർ.രാജു കുത്തിയതോട്,പി.എം.പുഷ്‌കരൻ പുത്തൻകാവ്, ശാന്തകുമാർ, വി.എ.കാർത്തികേയൻ, പി.ബാഹുലേയൻ,അജിതാപ്രസന്നൻ എന്നിവർ പങ്കെടുത്തു. ഏഴു ദിനങ്ങളിലായി 60 ഓളം ക്ഷേത്രങ്ങളിൽ സന്ദർശനം നടത്തി 29ന് പദയാത്ര ശിവഗിരിയിലെത്തും.