ആലപ്പുഴ: ജില്ലയിലെ മാന്നാർ ഗ്രാമപഞ്ചായത്ത് കൂട്ടംപേരൂർ-എ നിയോജകമണ്ഡലം, വെളിയനാട് ഗ്രാമപഞ്ചായത്ത് കിടങ്ങറ ബസാർ തെക്ക് നിയോജകമണ്ഡലം എന്നിവിടങ്ങളിൽ ഉപതിരഞ്ഞെടുപ്പ് നടത്തുന്നതിനു മുന്നോടിയായി ഇന്ന് കരട് വോട്ടർ പട്ടിക പ്രസിദ്ധീകരിക്കും. പട്ടിക സംബന്ധിച്ച അപേക്ഷകളും ആക്ഷേപങ്ങളും 16 വൈകിട്ട് അഞ്ചു വരെ സ്വീകരിക്കും. 24ന് ഇലക്ടറൽ രജിസ്ട്രേഷൻ ഓഫീസർമാർ അപ്ഡേഷൻ പൂർത്തിയാക്കും. അന്തിമ വോട്ടർപട്ടിക 25ന് പ്രസിദ്ധീകരിക്കും.