ന്യൂഡൽഹി​: പി​ടി​യി​ലായ നാലുപേരടക്കം ആറു പേരാണ് ഗൂഢാലോചനയിൽ പങ്കെടുത്തതെന്ന് ഡൽഹി​ പൊലീസ്. രണ്ട് പേർക്കായി തെരച്ചിൽ തുടരുകയാണ്. സംഭവത്തിന് മുമ്പ് ഡൽഹി​ അതി​ർത്തി​യി​ലെ ഗുരുഗ്രാമിൽ അഞ്ചുപേർ ഒന്നി​ച്ചു താമസി​ച്ചതായി​ വി​വരമുണ്ട്.

പാർലമെന്റി​നു പുറത്തു പി​ടിയി​ലായ നീലവും അമോലും മൊബൈൽ ഫോണോ, തി​രി​ച്ചറി​യ കാർഡോ, ബാഗുകളോ കൈവശം വച്ചി​രുന്നി​ല്ല. സ്വന്തം നിലയിൽ വന്നതാണെന്നും ഒരു സംഘടനയുമായും ബന്ധമി​ല്ലെന്നും തൊഴി​ലി​ല്ലായ്‌മയ്‌ക്കെതി​രായ പ്രതി​ഷേധമാണെന്നും നീലം വി​ളി​ച്ചു പറയുന്നുണ്ടായി​രുന്നു. ഇവരെ പാർലമെന്റ് സ്ട്രീറ്റ് പൊലീസ് സ്റ്റേഷനിൽ ഡൽഹി​ പൊലീസ് പ്രത്യേക സംഘം ചോദ്യം ചെയ്‌തു വരി​കയാണ്.

ടി.വിയിൽ മകളുടെ ദൃശ്യങ്ങൾ കണ്ട് വീട്ടുകാർ നടുങ്ങി. അപ്പോഴാണ് അവർ കാര്യം അറിയുന്നത്.

. ചൊവ്വാഴ്‌ച വീട്ടുകാരെ കണ്ടി​രുന്നു. പഠനത്തി​യായി​ ഹി​സാറി​ലുണ്ടെന്നാണ് കരുതി​യതെന്ന്

നീലത്തി​ന്റെ സഹോദരൻ പറഞ്ഞു. ബി.എ, എം.എ, ബി.എഡ്, എം.എഡ്, സി.ടി.ഇ.റ്റി, എം.ഫിൽ, നെറ്റ് എന്നി​വ പാസായ മകൾ നല്ല ജോലി​ ലഭി​ക്കാത്തതി​ൽ അസ്വസ്ഥയായിരുന്നുവെന്ന് ​ അമ്മ പറഞ്ഞു. തൊഴിലില്ലായ്‌മയ്‌ക്കെതി​രെ പൊതുവേദി​കളി​ൽ പ്രതി​ഷേധങ്ങൾ നടത്തി​യിട്ടുള്ള നീലം കർഷക സമരങ്ങളിലും സജീവമായിരുന്നു.

മകൻ തെറ്റു ചെയ്‌തെങ്കി​ൽ ശി​ക്ഷാർഹനാണെന്ന് സഭയ്‌ക്കുള്ളി​ലേക്ക് ചാടി​യ മനോരഞ്ജന്റെ പിതാവ് ദേവരാജ് പറഞ്ഞു. നല്ല വി​ദ്യാഭ്യാസം നൽകി​യത് ഇതി​നായി​രുന്നി​ല്ലെന്നും അദ്ദേഹം പറഞ്ഞു.