ഉച്ചയ്‌ക്ക് 12 മണി മുതൽ ലോക്‌സഭയിൽ ശൂന്യവേള

12.55ന് ബി.ജെ.പി എംപി ഖഗൻ മുർമു പ്രസംഗിക്കുന്നു. ബി.ജെ.പി എംപിയും ഉപാദ്ധ്യക്ഷനുമായ രാജേന്ദ്ര അഗർവാളായിരുന്നു സഭ നിയന്തിച്ചിരുന്നത്. സന്ദർശക ഗാലറിയിൽ നിന്ന് മനോരഞ്ജൻ, സാഗർ ശർമ എന്നിവർ താഴോട്ട് ചാടുന്നു.

 പരിഭ്രാന്തരായ എംപിമാർ ഇരിപ്പിടങ്ങളിൽ എഴുന്നേറ്റ് എന്താണ് സംഭവിച്ചതെന്ന് അറിയാതെ നിൽക്കുമ്പോൾ സാഗർ ഡെസ്‌കിന് മുകളിലൂടെ തുള്ളിച്ചാടി അദ്ധ്യക്ഷന്റെ ചെയറിനു നേരെ കുതിക്കുന്നു.

 ഹനുമാൻ ബേനിവാൾ എംപിയുടെ നേതൃത്വത്തിൽ അയാളെ തടയുന്നു. മറ്റ് എംപിമാരും സുരക്ഷാ ഉദ്യോഗസ്ഥരും ചേർന്ന് കീഴ്‌പ്പെടുത്തുന്നതിനിടെ മനോരഞ്ജൻ വാതക ഷെൽ പൊട്ടിച്ച് പരിഭ്രാന്തി സൃഷ്ടിക്കുന്നു. ചേംബറിനുള്ളിൽ മഞ്ഞവാതകം. എംപിമാർ പുറത്തേക്കോടുന്നു.

 സഭ രണ്ടുമണി വരെ നിർത്തിവച്ച് രാജേന്ദ്ര അഗർവാൾ

 ഒരു മണിയോടെ പുറത്ത് പാർലമെന്റ് റിസപ്ഷനു സമീപം നീലവും അമോലും വാതക ഷെൽ പൊട്ടിക്കുന്നു. പൊലീസ് പിടികൂടിയ ഇരുവരും സർക്കാർ വിരുദ്ധ മുദ്രാവാക്യമുയർത്തുന്നു.

 പാർലമെന്റിനുള്ളിലും പുറത്തും കൂടുതൽ സുരക്ഷാ സേന. മന്ദിരത്തിലേക്കുള്ള റോഡുകളിൽ ബാരിക്കേഡുകൾ വച്ച് ഗതാഗതം തടയുന്നു.

 പാർലമെന്റിനുള്ളിലും റിസ‌പ്‌ഷന് സമീപവും വാതക ഷെൽ പൊട്ടിയ സ്ഥലങ്ങളിൽ ഫോറൻസിക് പരിശോധന. പിടിയിലായവരുടെ സാധനങ്ങളും പരിശോധിക്കുന്നു.

 രണ്ടുമണിക്ക് ലോക്‌സഭ വീണ്ടും സമ്മേളിക്കുന്നു. സ്‌പീക്കറെ ആശങ്ക അറിയിച്ച് പ്രതിപക്ഷം. സുരക്ഷാ വീഴ്ചയെക്കുറിച്ച് സർക്കാർ പ്രതികരിക്കണമെന്ന് ആവശ്യം. നാലു മണിവരെ സഭ നിർത്തുന്നു.രാജ്യസഭയിൽ പ്രതിപക്ഷ ബഹളം.

 പാർലമെന്റിനുള്ളിലും പുറത്തും അക്രമം നടത്തിയവർക്ക് ഭീകര ബന്ധമില്ലെന്ന് പൊലീസ്. നാലുപേരുടെയും പേരു വിവരങ്ങൾ പുറത്ത്.

പൊലീസും ഇന്റലിജൻസ് ഉദ്യോഗസ്ഥരും അവരുടെ വീടുകളിൽ.

 നാലുമണിക്ക് വീണ്ടും സമ്മേളിച്ച ലോക്‌സഭയിൽ സംഭവത്തെക്കുറിച്ച് അന്വേഷണം നടത്തുമെന്ന് സ്‌പീക്കർ. സഭ ഇന്നത്തേക്ക് പിരിയുന്നു.

 അക്രമ സംഭവത്തിൽ ആകെ ആറുപേർ ഉൾപ്പെട്ടതായും അഞ്ചുപേർ ഗുഡ‌്‌ഗാവിൽ ഒന്നിച്ചു താമസിച്ചെന്നും വിവരം.