ന്യൂഡൽഹി:രണ്ട് ദിവസത്തെ ഔദ്യോഗിക സന്ദർശനത്തിന് കേന്ദ്ര വിദേശകാര്യ സഹമന്ത്രി വി.മുരളീധരൻ യു.എ.ഇയിലെത്തി. ഇന്ത്യൻ കോൺസുലേറ്റിൽ ഉദ്യോഗസ്ഥരുടെ യോഗത്തിൽ പ്രവാസികളുമായി ബന്ധപ്പെട്ട വിഷയങ്ങൾ ചർച്ച ചെയ്തു. ജയിലിൽ കഴിയുന്നവരുടെ മോചനം, മൃതദേഹങ്ങൾ നാട്ടിലെത്തിക്കൽ, യാത്ര വിലക്ക്, തൊഴിൽ പ്രശ്നങ്ങൾ എന്നിവയിൽ സത്വര നടപടികൾ കൈക്കൊള്ളാൻ മന്ത്രി നിർദേശിച്ചു. കോൺസുലേറ്റിലെ ഗാന്ധി പ്രതിമയിൽ മുരളീധരൻ പുഷ്പാർച്ചന നടത്തി.