ന്യൂഡൽഹി: ലോക്‌സഭാ തെരഞ്ഞെടുപ്പിൽ 'മോദിയുടെ ഉറപ്പ്' എന്ന മുദ്രാവാക്യവുമായി 50 ശതമാനം വോട്ടും 400ലേറെ സീറ്റും ഉറപ്പിക്കാൻ സംസ്ഥാന ഘടകങ്ങൾക്ക് ബി.ജെ.പി കേന്ദ്ര നേതൃത്വത്തിന്റെ നിർദ്ദേശം. കന്നി വോട്ടർമാരെ കൈയിലെടുക്കാൻ രാജ്യമെമ്പാടും പ്രചാരണവും ബൂത്ത് തല പരിപാടികളും സംഘടിപ്പിക്കും.

ലോക്‌സഭാ തിരഞ്ഞെടുപ്പ് തന്ത്രങ്ങൾ ചർച്ച ചെയ്ത ബി. ജെ. പി ദേശീയ ഭാരവാഹികളുടെ ദ്വിദിന യോഗത്തിലാണ് തീരുമാനം.

400 സീറ്റാണ് പ്രധാനമന്ത്രി നരേന്ദ്രമോദിയുടെ ലക്ഷ്യം. അതിന് രാജ്യത്തെ പകുതി വോട്ടർമാരുടെയും പിന്തുണയുറപ്പാക്കണം. 2019ൽ 300ന് മുകളിൽ സീറ്റു നേടിയെങ്കിലും ലഭിച്ചത് 37% വോട്ടു മാത്രമാണ്. മധ്യപ്രദേശ്, രാജസ്ഥാൻ, ഛത്തീസ്ഗഢ് വിജയം രാജ്യത്ത് ബി.ജെ.പി തരംഗമുണ്ടെന്ന സൂചനയാണെന്നും അവകാശപ്പെടുന്നു. നിയമസഭാ തെരഞ്ഞെടുപ്പ് വിജയത്തിൽ 'മോദിയുടെ ഉറപ്പ്' ഫലിച്ചു. ലോക്‌സഭാ തിരഞ്ഞെടുപ്പിലും അത് ഉപയോഗിക്കും.

പ്രചാരണത്തിൽ പാവപ്പെട്ടവർക്കും യുവാക്കൾക്കും കർഷകർക്കും സ്ത്രീകൾക്കും ഊന്നൽ നൽകും. കേന്ദ്ര പദ്ധതികൾ ഇവരിലേക്ക് എത്തിക്കും. പ്രതിപക്ഷത്തിന്റെ ജാതി സെൻസസ് പ്രചാരണത്തെ നേരിടാൻ ഇതിനാകുമെന്ന് പാർട്ടി കരുതുന്നു.

ബൂത്ത് തല പ്രവർത്തനം വെല്ലുവിളിയായെടുക്കാൻ പ്രധാനമന്ത്രി നരേന്ദ്രമോദി ആഹ്വാനം ചെയ്‌തു. മധ്യപ്രദേശ്, ഉത്തർപ്രദേശ് സംസ്ഥാനങ്ങളിലെ ബൂത്ത് മാനേജ്‌മെന്റ് മാതൃകയാക്കണം.പ്രഖ്യാപനത്തിന് കാക്കാതെ പ്രചാരണം തുടങ്ങണം. റെക്കോർഡ് വിജയത്തിനായി തയ്യാറെടുക്കണം.

മണ്ഡലങ്ങളെ ക്ലസ്റ്ററുകളായി വിഭജിച്ച് ജനുവരി 15ന് ശേഷം യോഗങ്ങൾ ആരംഭിക്കും. ഈ ക്ലസ്റ്ററുകളിൽ പ്രധാനമന്ത്രി മോദി, ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്‌നാഥ് സിംഗ്, ബി.ജെ.പി അദ്ധ്യക്ഷൻ ജെ.പി. നദ്ദ തുടങ്ങിയ നേതാക്കൾ പങ്കെടക്കും. യുവമോർച്ച രാജ്യത്തുടനീളം 5000 സമ്മേളനങ്ങൾ സംഘടിപ്പിക്കും.

ജനുവരി 22ന് തുറക്കുന്ന രാമക്ഷേത്രം തിരഞ്ഞെടുപ്പിൽ ബി.ജെ.പിയുടെ മുഖ്യ വിഷയമാകും. ഇതിന് മുന്നോടിയായി ജനുവരി ഒന്നു മുന്നൽ രാജ്യമെമ്പാടും എല്ലാ ഗ്രാമങ്ങളിലും പത്ത് കോടി കുടുംബങ്ങളെ ചെരാത് കത്തിക്കൽ പരിപാടിക്കായി തയ്യാറാക്കും.

അ​യോ​ദ്ധ്യ​യി​ൽ​ 30​ന്
മോ​ദി​യു​ടെ​ ​റോ​ഡ് ​ഷോ

ന്യൂ​ഡ​ൽ​ഹി​:​ ​ഡി​സം​ബ​ർ​ 30​ ​ന് ​അ​യോ​ധ്യ​യി​ൽ​ ​വി​മാ​ന​ത്താ​വ​ള​വും​ ​റെ​യി​ൽ​വേ​ ​സ്റ്റേ​ഷ​നും​ ​ഉ​ദ്ഘാ​ട​നം​ ​ചെ​യ്യാ​നെ​ത്തു​ന്ന​ ​പ്ര​ധാ​ന​മ​ന്ത്രി​ ​ന​രേ​ന്ദ്ര​മോ​ദി​ ​റോ​ഡ് ​ഷോ​യി​ലും​ ​പൊ​തു​സ​മ്മേ​ള​ന​ത്തി​ലും​ ​പ​ങ്കെ​ടു​ക്കും.
വി​മാ​ന​ത്താ​വ​ളം​ ​ഉ​ദ്ഘാ​ട​നം​ ​ചെ​യ്‌​ത​ ​ശേ​ഷം​ ​റെ​യി​ൽ​വേ​ ​സ്റ്റേ​ഷ​നി​ലേ​ക്കു​ള്ള​ ​വ​ഴി​യി​ലാ​ണ് ​റോ​ഡ് ​ഷോ.​ ​ന​വീ​ക​രി​ച്ച​ ​അ​യോ​ദ്ധ്യ​ ​റെ​യി​ൽ​വേ​ ​സ്റ്റേ​ഷ​നി​ൽ​ ​ആ​ദ്യ​ ​ട്രെ​യി​നി​ന് ​പ​ച്ച​ക്കൊ​ടി​ ​കാ​ട്ടി​യ​ ​ശേ​ഷം​ ​പ്ര​ധാ​ന​മ​ന്ത്രി​ ​പൊ​തു​യോ​ഗ​ത്തെ​ ​അ​ഭി​സം​ബോ​ധ​ന​ ​ചെ​യ്യും.
ജ​നു​വ​രി​ 22​ന്റെ​ ​പ്ര​തി​ഷ്‌​ഠാ​ ​ച​ട​ങ്ങി​ന് ​എ​ത്തു​ന്ന​ ​അ​തി​ഥി​ക​ളു​ടെ​ ​ചാ​ർ​ട്ടേ​ഡ് ​വി​മാ​ന​ങ്ങ​ൾ​ ​പ്ര​യാ​ഗ്‌​രാ​ജ്,​ ​ഗോ​ര​ഖ്പൂ​ർ,​ ​വാ​ര​ണാ​സി​ ​എ​ന്നി​വി​ട​ങ്ങ​ളി​ൽ​ ​പാ​ർ​ക്ക് ​ചെ​യ്യാ​നു​ള്ള​ ​ക്ര​മീ​ക​ര​ണം​ ​ഏ​ർ​പ്പെ​ടു​ത്തും.
ജ​നു​വ​രി​ ​ഒ​ന്നു​ ​മു​ത​ൽ​ ​ബി.​ജെ.​പി​ ​രാ​ജ്യ​ത്തെ​ ​എ​ല്ലാ​ ​ഗ്രാ​മ​ങ്ങ​ളി​ലും​ ​വീ​ടു​വീ​ടാ​ന്ത​രം​ ​പ്ര​തി​ഷ്‌​ഠാ​ ​ആ​ഘോ​ഷ​ങ്ങ​ളു​ടെ​ ​പ്ര​ചാ​ര​ണം​ ​ന​ട​ത്തും.