ന്യൂഡൽഹി​: കൊപ്രയുടെ 2024 സീസണി​ലെ താങ്ങുവി​ല കൂട്ടാൻ പ്രധാനമന്ത്രി നരേന്ദ്ര മോദിയുടെ അദ്ധ്യക്ഷതയിൽ ചേർന്ന സാമ്പത്തികകാര്യ മന്ത്രിസഭാ സമിതി തീരുമാനി​ച്ചു. മിൽകൊപ്രയ്ക്ക് 300 രൂപയാണ് വർദ്ധി​ച്ചത്. ഇതോടെ ക്വി​ന്റലി​ന് 11,160 രൂപയാകും. ഉണ്ടക്കൊപ്രയ്ക്ക് ക്വിന്റലിന് 250 രൂപ വർദ്ധി​പ്പി​ച്ചതോടെ 12,000 രൂപയാകും. 10 വർഷത്തി​നി​ടെ മിൽകൊപ്രയ്ക്ക് 113 ശതമാനവും ഉണ്ടക്കൊപ്രയ്ക്ക് 118 ശതമാനവും താങ്ങുവില വർദ്ധി​പ്പി​ച്ചു. 2023ൽ 1,493 കോടി രൂപ മുടക്കി 1.33 ലക്ഷം മെട്രിക് ടൺ കൊപ്ര സംഭരിച്ചു.