ന്യൂഡൽഹി: ചെറുകിട സമ്പാദ്യ പദ്ധതികളുടെ ജനുവരി ഒന്നു മുതൽ മാർച്ച് 31വരെയുള്ള പാദത്തിലെ പുതിയ പലിശ നിരക്ക് കേന്ദ്ര ധനമന്ത്രാലയം പ്രഖ്യാപിച്ചു. സേവിംഗ്‌സ് ഡിപ്പോസിറ്റുകളുടെ പലിശ നിരക്ക് 4 ശതമാനമായി തുടരും. പോസ്റ്റ് ഓഫീസ്- മൂന്നു വർഷത്തെ ടേം ഡിപ്പോസിറ്റ് 7.1 %, സുകന്യ സമൃദ്ധി യോജന പലിശ: 8.2% എന്നിങ്ങനെ കൂട്ടി.

സീനിയർ സിറ്റിസൺ സേവിംഗ്‌സ് സ്‌കീം 8.2%, കിസാൻ വികാസ് പത്ര: 7.5% (മെച്യൂരിറ്റി കാലയളവ്: 115 മാസം), പോസ്റ്റ് ഓഫീസ് ഒരു വർഷ ടേം ഡിപ്പോസിറ്റ്: 6.9%, പോസ്റ്റ് ഓഫീസ് 2 വർഷ ടേം ഡിപ്പോസിറ്റ്: 7%, പോസ്റ്റ് ഓഫീസ് 5 വർഷ ടേം ഡിപ്പോസിറ്റ്: 7.5%, അഞ്ച് വർഷത്തെ റെക്കറിംഗ് നിക്ഷേപ പലിശ 6.7%,പ്രതിമാസ വരുമാന സ്കീം: 7.4 %, നാഷണൽ സേവിംഗ്സ് സർട്ടിഫിക്കറ്റിന് 7.7 % എന്നിവ തുടരും. പബ്ലിക് പ്രൊവിഡന്റ് ഫണ്ടിന് 7.1% വാർഷിക പലിശ നിരക്ക് തുടരും.