കോലഞ്ചേരി: കുന്നത്തുനാട്ടിലെ നവകേരള സദസിനു മുന്നോടിയായി കോലഞ്ചേരിയിൽ മിനി മാരത്തൺ സംഘടിപ്പിച്ചു. കേരള കർഷകത്തൊഴിലാളി ക്ഷേമനിധി ഡയറക്ടർ ബോർഡ് അംഗം സി.ബി. ദേവദർശനൻ ഉദ്ഘാടനം ചെയ്തു. ഇന്ത്യൻ വോളിബാൾ കോച്ച് ടോം ജോസഫ് ഫ്ലാഗ് ഓഫ് ചെയ്തു. പുതുപ്പനം മുതൽ കോലഞ്ചേരി സെന്റ് പീറ്റേഴ്സ് കോളേജ് മൈതാനി വരെയായിരുന്നു മാരത്തൺ. വിദ്യാർത്ഥികൾ, കുടുംബശ്രീ പ്രവർത്തകർ, വിവിധ ക്ലബ് അംഗങ്ങൾ എന്നിവർ ഉൾപ്പെടെ 200 ഓളം പേർ പങ്കെടുത്തു. 9ന് വൈകിട്ട് 6നാണ് കോലഞ്ചേരി സെന്റ്. പീറ്റേഴ്സ് കോളേജ് മൈതാനിയിൽ നവകേരള സദസ് നടക്കുന്നത്.