ആലുവ: കാണാതായ യുവാവിന്റെ മൃതദേഹം പെരിയാറിൽ നിന്നും കണ്ടെടുത്തു. തൃക്കാക്കര എൻ.ജി.ഒ ക്വാർട്ടേഴ്‌സ് രാജീവ് നഗർ കാട്ടൂക്കാരൻ വീട്ടിൽ കെ.എസ്. ബിജുവിന്റെ മകൻ കെ.ബി. നീരജി​(21)ന്റെ മൃതദേഹമാണ് കണ്ടെടുത്തത്. കഴിഞ്ഞ 28 മുതൽ ഇയാളെ കാണാനില്ലെന്നു കാണിച്ച് വീട്ടുകാർ പൊലീസി​ൽ പരാതി നൽകിയിരുന്നു.

വെള്ളിയാഴ്ച്ച പകൽ 2.40 നാണ് പ്രാദേശിക മുങ്ങൽ വിദഗ്ദ്ധർ പെരിയാറിൽ നിന്നും മൃതദേഹം കണ്ടെടുത്തത്. ഇന്നലെ രാവിലെയാണ് മൃതദേഹം നീരജിന്റേതാണെന്ന് തിരിച്ചറിഞ്ഞത്. പോസ്റ്റ്‌മോർട്ടത്തിനു ശേഷം മൃതദേഹം ബന്ധുക്കൾക്ക് വിട്ടുകൊടുത്തു. മാതാവ്: ജിൻസി. സഹോദരി: നിധിന.