അങ്കമാലി: പഴയമാർക്കറ്റ് റോഡിൽ കളർഹൗസ് പെയിന്റ് കടയുടെ മുകൾനിലയിലെ ഗോഡൗണിൽ വൻതീപിടിത്തം. ലക്ഷങ്ങളുടെ നഷ്ടമാണുള്ളത്. ശനിയാഴ്‌ച വൈകിട്ട് നാലരയോടെ തീ പടരുന്നത് ശ്രദ്ധയിൽപ്പെട്ട മർച്ചന്റ്സ് അസോസിയേഷനിലെ ജീവനക്കാരി സമീപത്തെ കടകളിൽ വിവരം അറിയിക്കുകയായിരുന്നു. തുടർന്ന് അങ്കമാലി ഫയർഫോഴ്സും മറ്റി​ടങ്ങളി​ൽ നിന്നുള്ള ഏഴ് ഫയർഫോഴ്സ് യൂണി​റ്റുകളും എത്തി​യാണ് തീയണച്ചത്.

ഷോർട്ട് സർക്യൂട്ടിനെ തുടർന്നാണു തീപിടിത്തമെന്നു കരുതുന്നു. പി.ജെ.പൗലോസിന്റെ ഉടമസ്ഥതയിലുള്ളതാണ് ഗോഡൗൺ​. തൊട്ടടുത്തായി ഒട്ടേറെ കടകളാണുള്ളത്. താഴത്തെ പെയിന്റ് കടകളിലേക്കും മറ്റും തീ പടരാതിരുന്നത് രക്ഷയായി