മരട്: തുരുത്തി വൈക്കത്തുശേരി റോഡ് റെസിഡന്റ്സ് അസോസിയേഷൻ 11-ാമത് വാർഷികം നടത്തി. മരട് നഗരസഭാ സ്ഥിരംസമിതി അദ്ധ്യക്ഷൻ പി.ഡി. രാജേഷ് ഉദ്ഘാടനം ചെയ്തു. എൽസി ജേക്കബ് അദ്ധ്യക്ഷത വഹിച്ചു. കൗൺസിലർമാരായ പത്മപ്രിയ വിനോദ്, ഷീജ സാൻകുമാർ, കെ.എൽ. പ്രദീപ്, ഫെർണാണ്ടസ് ദാസ്, ഷീനസജീവ്, മായഷാജി എന്നിവർ സംസാരിച്ചു. ഭാരവാഹികളായി എൽസി ജേക്കബ് (പ്രസിഡന്റ്), കെ.എൽ. പ്രദീപ് (സെക്രട്ടറി), ഫെർണാണ്ടസ് ദാസ് (ജോ. സെക്രട്ടറി), അജയഘോഷ് (വൈ.പ്രസിഡന്റ്), ഷീന സജീവ് (ട്രഷറർ), മായഷാജി (വെൽഫയർ സെക്രട്ടറി) എന്നിവരെ തിരഞ്ഞെടുത്തു. അസോസിയേഷൻ അംഗങ്ങളുടെ കലാപരിപാടികളും അരങ്ങേറി.