മൂവാറ്രുപുഴ: എസ്.എൻ.ഡി.പി യോഗം മൂവാറ്റുപുഴ യൂണിയന്റെ നേതൃത്വത്തിലുള്ള വിവാഹപൂർവ കൗൺസലിംഗ് ക്ലാസ് 9,10 തീയതികളിൽ ശ്രീനാരായണ കോളേജ് ഒഫ് എഡ്യൂക്കേഷൻ ഓഡിറ്റോറിയത്തിൽനടക്കും. 9ന് രാവിലെ 9.30 ന് യൂണിയൻ പ്രസിഡന്റ് വി.കെ. നാരായണൻ ഉദ്ഘാടനം ചെയ്യും. യൂണിയൻ വെെസ് പ്രസിഡന്റ് പി.എൻ. പ്രഭ അദ്ധ്യക്ഷത വഹിക്കും. യൂണിയൻ സെക്രട്ടറി അഡ്വ. എ.കെ. അനിൽകുമാർ സ്വാഗതം പറയും.

യോഗം ഡയറക്ടർ ബോർഡ് മെമ്പർമാരായ അഡ്വ.എൻ. രമേശ്, പ്രമോദ് കെ. തമ്പാൻ, യൂണിയൻ കൗൺസിലർമാരായ എം.ആർ. നാരായണൻ, പി.ആർ. രാജു, ടി.വി. മോഹനൻ, അനിൽ കാവുംചിറ, യൂണിയൻ പഞ്ചായത്ത് കമ്മറ്റിഅംഗങ്ങളായ എം.എസ്. വിൽസൻ, ശ്രീനിവാസൻ, യൂണിയൻ വനിതാസംഘം പ്രസിഡന്റ് നിർമ്മല ചന്ദ്രൻ, സെക്രട്ടറി ഇൻ ചാർജ് ഭാനുമതി ഗോപിനാഥ്, യൂത്ത് മൂമെന്റ് പ്രസിഡന്റ് എം.ആർ. സിനോജ്, സെക്രട്ടറി ശ്രീജിത് പി.എസ് എന്നിവർ സംസാരിക്കും.

കോട്ടയം ആശാ പ്രദീപ്, ഡോ. പ്രിൻസ് സ്ലീബ എന്നിവർ ക്ലാസെടുക്കും.

10ന് രാവിലെ 10ന് കോട്ടയം യൂണിയൻ വൈസ് പ്രസിഡന്റ് വി.എം ശശിയും ഉച്ചകഴിഞ്ഞ് 2ന് ഫാ. എഡ്വേർഡ് ജോർജും ക്ലാസെടുക്കും. വൈകിട്ട് 4ന് നടക്കുന്ന സമാപന സമ്മേളനത്തിൽ യൂണിയൻ പ്രസിഡന്റ് വി.കെ. നാരായണൻ അദ്ധ്യക്ഷത വഹിക്കും. പഠിതാക്കൾക്ക് സർട്ടിഫിക്കറ്റുകൾ വിതരണം ചെയ്യും. യൂണിയൻ സെക്രട്ടറി അഡ്വ .എ.കെ. അനിൽകുമാർ സ്വാഗതവും വനിതാസംഘം പ്രസിഡന്റ് നിർമ്മല ചന്ദ്രൻ നന്ദിയും പറയും.