കിഴക്കമ്പലം: ട്വന്റി 20 പഞ്ചായത്തുകളിലെ വികസന മുരടിപ്പിനെതിരെ കോൺഗ്രസ് കുന്നത്തുനാട് മണ്ഡലം കമ്മി​റ്റിയുടെ ആഭിമുഖ്യത്തിൽ കുന്നത്തുനാട് പഞ്ചായത്ത് ഓഫീസിലേക്ക് നടത്തിയ പ്രതിഷേധമാർച്ച് കെ.പി.സി.സി വൈസ് പ്രസിഡന്റ് വി.പി. സജീന്ദ്രൻ ഉദ്ഘാടനം ചെയ്തു. മണ്ഡലം പ്രസിഡന്റ് കെ.കെ. രമേശ് അദ്ധ്യക്ഷനായി.

പുത്തൻകുരിശ് ബ്ലോക്ക് പ്രസിഡന്റ് പോൾസൺ പീ​റ്റർ, പട്ടിമ​റ്റം മണ്ഡലം പ്രസിഡന്റ് ഹനീഫ കുഴുപ്പിള്ളി, ജില്ലാ പഞ്ചായത്ത് അംഗം ലിസി അലക്‌സ്, മായ വിജയൻ , ഇ.എം. നവാസ്, എം.ബി. യൂനസ് , എ.പി. കുഞ്ഞുമുഹമ്മദ് എന്നിവർ സംസാരിച്ചു.