ഫോർട്ട് കൊച്ചി: കായലിലെ എക്കൽ നീക്കം ചെയ്ത് വേലിയേറ്റം തടയാൻ നടപടി സ്വീകരിക്കുക, കെടാവിളക്ക് സ്കോളർഷിപ്പിൽ പിന്നോക്ക - ന്യൂനപക്ഷ വിഭാഗ വിദ്യാർത്ഥികളെ ഉൾപ്പെടുത്തുക തുടങ്ങിയ ആവശ്യങ്ങൾ ഉന്നയിച്ച് കൊച്ചി രൂപത കുടുംബ യൂണിറ്റ് ശുശ്രൂഷ സമിതി മുഖ്യമന്ത്രിയുടെ നവകേരള സദസിൽ നി​വേദനം നല്കി. രുപതയിലെ എല്ലാ ഇടവകകളിൽ നിന്ന് വികാരിമാരും ഇടവക സമിതി ഭാരവാഹികളും ഒപ്പിട്ട ഹർജിയാണ് ഫോർട്ടു കൊച്ചിയിൽ നടന്ന നവകേരള സൗസിൽ നൽകിയത്. രൂപത ബി.സി.സി. ഡയറക്ടർ ഫാ.ബെന്നി തോപ്പിപറമ്പിൽ , കൺവീനർ പോൾ ബെന്നി പുളിക്കൽ, സെക്രട്ടറി പീറ്റർ പി.ജോർജ് , ജോ അമ്പലത്തുങ്കൽ, മാർഗരേറ്റ് ലോറൻസ് , ജസ്റ്റിൻ മുല്ലപറമ്പിൽ , ആൽബി ഗൊൺസാൽവോസ് , ഫെലിക്സ് കാട്ടിശേരി, സണ്ണി തണ്ണികോട്ട് എന്നിവരും പരാതി സംഘത്തിൽ ഉണ്ടായിരുന്നു.