കൊച്ചി: ആഫ്രിക്കൻ -ഏഷ്യൻ റൂറൽ ഡെവലപ്‌മെന്റ് ഓർഗനൈസേഷനിലെ (ആർഡോ) എട്ട് രാജ്യങ്ങളിൽ നിന്നുള്ള 10 ഉദ്യോഗസ്ഥർക്ക് കേന്ദ്ര സമുദ്രമത്സ്യ ഗവേഷണ സ്ഥാപനം (സി.എം.എഫ്.ആർ.ഐ) നല്കുന്ന പരിശീലനം നാളെ ആരംഭിക്കും.

ഒമാൻ, ഈജിപ്ത്, ഘാന, നമീബിയ, നൈജീരിയ, സാംബിയ, മലേഷ്യ, ബംഗ്ലാദേശ് എന്നിവിടങ്ങളിൽ നിന്നുള്ളവരാണ് പരി​ശീലനത്തി​ൽ പങ്കെടുക്കുന്നത്.

നാളെ രാവിലെ 10ന് ജനറൽ റാമി മഹ്മൂദ് അബ്ദുൽ ഹലീം ശില്പശാല ഉദ്ഘാടനം ചെയ്യും. ആർഡോ ഗവേഷണ വിഭാഗം മേധാവി ഡോ. ഖുഷ്‌നൂദ് അലി വിശിഷ്ടാതിഥിയായിരിക്കും. സി.എം.എഫ്.ആർ.ഐ ഡയറക്ടർ ഡോ. എ. ഗോപാലകൃഷ്ണൻ അദ്ധ്യക്ഷത വഹിക്കും.