പറവൂർ: എക്സൈസ് ഉദ്യോഗസ്‌ഥനെ ആക്രമിച്ച കേസിൽ കോട്ടുവള്ളി കൊടവക്കാട് വാലത്തുപറമ്പ് ശ്രീജിത്തി(ശ്രീക്കുട്ടൻ - 27)നെ പറവൂർ പൊലീസ് അറസ്റ്റുചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. തിങ്കൾ വൈകിട്ട് ഏഴുമണിയോടെ കൊടവക്കാട് വച്ച് കഞ്ചാവ് വലിക്കുന്നത് കണ്ട് ഇയാളെ പിടികൂടാൻ ശ്രമിച്ച വരാപ്പുഴ റേഞ്ച് ഓഫിസിലെ സിവിൽ എക്സൈസ് ഓഫീസർ അനുപിന്റെ കൈപിടിച്ചു തിരിച്ചു പരുക്കേൽപ്പിച്ച ശേഷം ഓടിരക്ഷപെടുകയായിരുന്നു. പറവൂർ പൊലീസ് ഇൻസ്പെക്‌ടർ ഷോജോ വർഗീസ്, എസ്.ഐമാരായ പ്രശാന്ത് പി. നായർ, ഷാഹുൽ ഹമീദ്, എസ്.സി.പി.ഒ ബിനു വർഗീസ് എന്നിവർ ചേർന്നാണ് അറസ്‌റ്റ് ചെയ്‌തത്‌.