കൊച്ചി: റേഷൻ വിതരണത്തിനായി സാധനങ്ങൾ എത്തിച്ചതിന്റെ പണം നൽകാത്തതിൽ പ്രതിഷേധിച്ച് ട്രാൻസ്പോർട്ടിംഗ് കോൺട്രാക്ടേഴ്സ് അസോസിയേഷൻ (എൻ.എഫ്.എസ്.എ) 11 മുതൽ സപ്ലൈകോ ആസ്ഥാനത്ത് നടത്തി വന്നിരുന്ന സമരം പിൻവലിച്ചു. സപ്ലൈകോ ചെയർമാനും മാനേജിംഗ് ഡയറക്ടറുമായ ശ്രീറാം വെങ്കിട്ടരാമനുമായി നടത്തിയ ചർച്ചയെ തുടർന്നാണിത്. ഗതാഗത കരാറുകാർക്ക് കുടിശികയുടെ 20 ശതമാനം രണ്ടുദിവസത്തിനുള്ളിലും ബാക്കി രണ്ടാഴ്ചക്കുള്ളിലും നൽകാൻ ധാരണയായി. ഓഡിറ്റിംഗ് നടത്താത്തുമൂലം 2020 മുതൽ 2023 മേയ് വരെ ലഭിക്കാനുണ്ടായിരുന്ന കുടിശിക 2024 ഫെബ്രുവരി 28നകവും നൽകാനും തീരുമാനമായി.