മൂവാറ്റുപുഴ: മൂവാറ്റുപുഴ അർബൻ സഹകരണ ബാങ്കിന്റെ ആധുനിക സൗകര്യങ്ങളോടെ നവീകരിച്ച മെയിൻ ബ്രാഞ്ച് തുറന്നു. കച്ചേരിത്താഴത്തെ ഹെഡ് ഓഫീസ് കെട്ടിടത്തിലെ താഴത്തെ നിലയിലാണ് ബ്രാഞ്ച് പ്രവർത്തിക്കുന്നത്. കേരള ബാങ്ക് പ്രസിഡന്റ് ഗോപി കോട്ടമുറിക്കൽ ഉദ്ഘാടനം ചെയ്തു. ബാങ്ക് ചെയർമാൻ സി.കെ. സോമൻ അദ്ധ്യക്ഷത വഹിച്ചു. അഡ്വ. ജോയ്‌സ് ജോർജ് സ്ട്രോംഗ് റൂം ഉദ്ഘാടനം ചെയ്തു. കൺസ്യൂമർ ഫെഡ് വൈസ് പ്രസിഡന്റ് പി.എം. ഇസ്മയിൽ,

ആദ്യ നിക്ഷേപം സ്വീകരിച്ചു. മൂവാറ്റുപുഴ നഗരസഭാ ചെയർമാൻ പി.പി. എൽദോസ് കമ്പ്യൂട്ടർ സ്വിച്ച് ഓൺ നിർവഹിച്ചു. ബാങ്ക് വൈസ് പ്രസിഡന്റ് പി.വി .ജോയി, ഫാ. ജോർജ് മാന്തോട്ടം കോർ എപ്പിസ്കോപ്പ, ലൈബ്രറി കൗൺസിൽ ജില്ലാ ജോയിന്റ് സെക്രട്ടറി കെ.പി.രാമചന്ദ്രൻ, വാർഡ് കൗൺസിലർ രാജശ്രീ രാജു, മൂവാറ്റുപുഴ അസിസ്റ്റൻറ് രജിസ്ട്രാർ (ജനറൽ) ജയ്മോൻ യു.ചെറിയാൻ, ബാങ്ക് ഭരണസമിതി അംഗങ്ങളായ പി.ബി. അജിത്‌കുമാർ, ബിനോയ് മാത്യു, പി.എച്ച്. നവാസ്, ടി.ശിവദാസ്, പി.എ. ജോണി, കെ.എ. സഗേഷ്‌കുമാർ, കെ.പി. പ്രസന്ന, ഡോളി ബിനോയി. ബോർഡ് ഒഫ് മാനേജ്‌മെന്റ് ചെയർമാൻ വി.എം. സുനിൽ, ബോർഡ് ഓഫ് മാനേജ്‌മെന്റ് അംഗങ്ങളായ കെ.ടി. മത്തായികുഞ്ഞ്, രാജു തോമസ്, പി.എം .ജോഷി, ജനൽ മാനേജർ എം.എ .ഷാന്റി എന്നിവർ സംസാരിച്ചു.