കോലഞ്ചേരി: മഴുവന്നൂർ സർവീസ് സഹകരണ ബാങ്കിന്റെ ഹെഡ് ഓഫീസ് മന്ദിരത്തിൽ തുടങ്ങിയ സഹകരണ സൂപ്പർമാർക്കറ്റ് ബെന്നി ബഹനാൻ എം.പി ഉദ്ഘാടനം ചെയ്തു. പ്രസിഡന്റ് ടി.ഒ. പീറ്റർ അദ്ധ്യക്ഷനായി. സഹകരണ വകുപ്പ് യൂണി​റ്റ് ഇൻസ്‌പെക്ടർ സുജ വർഗീസ് ആദ്യ വില്പന നടത്തി. ബ്ലോക്ക് പഞ്ചായത്ത് അംഗം ശ്രീജ അശോകൻ, പഞ്ചായത്ത് അംഗം ജോർജ് ഇടപ്പരത്തി, ബാങ്ക് ഭരണസമിതി അംഗങ്ങളായ കെ.എൻ. ശിവൻ, സാരിഷ് ഫിലിപ്പ്, ബേസിൽ തങ്കച്ചൻ, സുജാത ശശി, പി. അബ്രാഹം, പി.കെ. സിജു, വി.പി. ആര്യ, സോമി സാജു, ഒ.എം. ഹരിദാസ്, കെ.ജെ. തോമസ്, ബാങ്ക് സെക്രട്ടറി അരുൺ വാസു, അസിസ്​റ്റന്റ് സെക്രട്ടറി ടി.ടി. ജീമോൾ, ഓഡി​റ്റർ അഞ്ജലി, കോൺഗ്രസ് ബ്ലോക്ക് പ്രസിഡന്റ് കെ.വി. എൽദോ, മണ്ഡലം പ്രസിഡന്റ് ജയിൻമാത്യു തുടങ്ങിയവർ സംസാരിച്ചു.