കൊച്ചി: ഫെയ്‌സ് ഫൗണ്ടേഷന്റെ പുതിയ സാമൂഹികക്ഷേമ പദ്ധതിയായ വസ്ത്രനിധിക്ക് തുടക്കമായി. ടി.ജെ. വിനോദ് എം.എൽ.എ ഉദ്ഘാടനം ചെയ്തു. ലയൺസ് ക്ലബ് കൊച്ചിൻ ഈസ്റ്റ് വൈസ് പ്രസിഡന്റ് എസ്. മോഹൻ, മുൻ സോഷ്യൽ വെൽഫെയർ ബോർഡംഗം സെലീന മോഹൻ എന്നിവർ മുഖ്യാതിഥികളായിരുന്നു. ഫെയ്‌സ് വൈസ് ചെയർമാൻ ഡോ. ടി. വിനയകുമാർ, ട്രഷറർ ആർ. ഗിരീഷ്, ട്രസ്റ്റി യു.എസ്. കുട്ടി, കുരുവിള മാത്യൂസ് എന്നിവർ സംസാരിച്ചു. എല്ലാ വെള്ളിയാഴ്ചകളിലും രാവിലെ 11 മുതൽ ഉച്ചയ്ക്ക് രണ്ട് മണി വരെ ഫെയ്‌സ് ഓഫീസിനു മുന്നിൽ വസ്ത്രങ്ങൾ പ്രദർശിപ്പിക്കും. വസ്ത്രങ്ങൾ ആവശ്യമുള്ളവർക്കും നല്കാൻ സന്നദ്ധരായവർക്കും ബന്ധപ്പെടാം: 0484 2929099