കൊച്ചി: കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ സംസ്ഥാന കൺവെൻഷൻ നാളെ (19) രാവിലെ 11ന് സൗത്ത് കളമശേരി

ആഷിസ് കൺവെൻഷൻ സെന്ററിൽ നിയമസഭാ സ്പീക്കർ എ.എൻ. ഷംസീർ ഉദ്ഘാടനം ചെയ്യും. അസോസിയേഷൻ സംസ്ഥാന പ്രസിഡന്റ് ജി. ജയപാൽ അദ്ധ്യക്ഷത വഹിക്കും. ജനറൽ സെക്രട്ടറി കെ.പി. ബാലകൃഷ്ണ പൊതുവാൾ സ്വാഗതവും ട്രഷറർ എൻ. അബ്ദുൽ റസാഖ് നന്ദിയും പറയും. പ്രതിനിധി സമ്മേളനവും

കുടുംബസംഗമവും കലാപരിപാടികളും ഇതിന്റെ ഭാഗമായുണ്ടാകും.

ചടങ്ങിൽ കേരള സംഗീതനാടക അക്കാഡമി ചെയർമാൻ മട്ടന്നൂർ ശങ്കരൻകുട്ടി മാരാർ, സംസ്ഥാന ചലച്ചിത്ര അവാർഡ് നേടിയ വിൻസി അലോഷ്യസ്, അന്താരാഷ്ട്ര അവാർഡ് നേടിയ പാരഗൺ റസ്റ്റോറന്റ് ഗ്രൂപ്പ് എം.ഡി സുമേഷ് ഗോവിന്ദ് എന്നിവരെ ആദരിക്കും. സംസ്ഥാന കമ്മിറ്റി തിരഞ്ഞെടുപ്പുമുണ്ടാകും.