മൂവാറ്റുപുഴ: എസ്.എൻ.ഡി.പി യോഗം മൂവാറ്റുപുഴ യൂണിയൻ വടക്കൻ മേഖലാ സമ്മേളനവും ശ്രീനാരായണീയ മഹാസംഗമവും 24ന് രാവിലെ 9.30ന് യൂണിയൻ ആസ്ഥാനത്തുള്ള ശ്രാവണീക ഓഡിറ്റോറിയത്തിൽ എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ ഉദ്ഘാടനം ചെയ്യും. മൂവാറ്റുപുഴ യൂണിയൻ പ്രസിഡന്റ് വി.കെ. നാരായണൻ അദ്ധ്യക്ഷത വഹിക്കും. യോഗം കൗൺസിലർ എം.പി. മന്മദൻ മുഖ്യപ്രഭാഷണം നടത്തും. യൂണിയൻ സെക്രട്ടറി അഡ്വ. എ.കെ. അനിൽകുമാർ സ്വാഗതം പറയും. ചടങ്ങിൽഎസ്.എൻ. ട്രസ്റ്റ് ജനറൽ സെക്രട്ടറിയായി തുടർച്ചയായി പത്താംതവണയും മഹാവിജയംനേടിയ ജനറൽ സെക്രട്ടറി വെള്ളാപ്പള്ളി നടേശന് ഉജ്ജ്വലസ്വീകരണം നൽകും. സ്വീകരണ സമ്മേളനത്തിൽ യൂണിയൻ വൈസ് പ്രസിഡന്റ് പി.എൻ.പ്രഭ, യോഗം ഡയറക്ടർ ബോർഡ് അംഗം അഡ്വ.എൻ. രമേശ്, യൂണിയൻ കൗൺസിലർമാരായ പി.ആർ. രാജു, എം.ആർ. നാരായണൻ, റ്റി.വി. മോഹനൻ, കെ.പി. അനിൽ, യൂണിയൻ പഞ്ചായത്ത്കമ്മിറ്റി അംഗങ്ങളായ എം.എസ്. വിൽസൻ, എൻ.ആർ.ശ്രീനിവാസൻ, യൂണിയൻ യൂത്ത് മൂമെന്റ് സെക്രട്ടറിപി.എസ്.ശ്രീജിത്ത്, ഷീല അനിരുദ്ധൻ എന്നിവർ സംസാരി ക്കും. യോഗം ഡയറക്ടർ ബോർഡ് മെമ്പർ പ്രമോദ് കെ.തമ്പാൻ നന്ദി പറയും.

വടക്കൻ മേഖലയിലുള്ള വിവിധ ശാഖകളിൽ നിന്നായി നൂറുകണക്കിന് ശ്രീനാരയണീയർ സമ്മേളനത്തിൽ പങ്കെടുക്കുമെന്ന് യൂണിയൻ പ്രസിഡന്റ് വി.കെ. നാരായണൻ പറഞ്ഞു.