മൂവാറ്റുപുഴ: നഗരസഭയും താലൂക്ക് വ്യവസായ ഓഫീസും സംയുക്തമായി സംഘടിപ്പിച്ച സംരംഭകത്വ ബോധവത്കരണ സെമിനാർ മൂവാറ്റുപുഴ നഗരസഭാ ചെയർമാൻ പി.പി. എൽദോസ് ഉദ്ഘാടനം ചെയ്തു.

മൂവാറ്റുപുഴ ഉപജില്ലാ വ്യവസായ ഓഫീസർ പ്രിയ പോൾ അദ്ധ്യക്ഷത വഹിച്ചു. പൊതുമരാമത്ത് സ്റ്റാൻഡിംഗ് കമ്മിറ്റി ചെയർപഴ്സൺ നിസ അഷ്റഫ്, സി.ഡി.എസ്. ചെയർപഴ്സൺ നിഷ മനോജ്, വ്യവസായ വികസന ഓഫീസർ തേജോ കൈമൾ തുടങ്ങിയവർ പ്രസംഗിച്ചു. നാനോ സംരംഭങ്ങളും മാർക്കറ്റിംഗ് സാദ്ധ്യതകളും എന്ന വിഷയത്തിൽ ആശ അബ്രഹാമും വ്യവസായ വകുപ്പിന്റെ വിവിധ പദ്ധികൾ എന്ന വിഷയത്തിൽ തേജോ കൈമളും ക്ലാസ് നയിച്ചു. സംരംഭകർക്ക് ആവശ്യമായ ഉദ്യം രജിസ്ട്രേഷൻ, എം.എസ്.എം.ഇ. ഇൻഷ്വറൻസ്, മറ്റ് രജിസ്ട്രേഷനുകളും സൗജന്യമായി എടുക്കുന്നതിന് സൗകര്യം ഒരുക്കിയിരുന്നു.