കൊച്ചി: ജി.സി.ഡി.എ ഷോപ്പിംഗ് കോംപ്ലക്‌സിൽ സ്ഥാപിച്ച എസ്‌കലേറ്ററിന്റെ പുനർ സ്ഥാപനോദ്ഘാടനം ഇന്ന് രാവിലെ 10.30 ന് കെ.ജെ. മാക്‌സി എം.എൽ.എ നിർവഹിക്കും. കാലപ്പഴക്കം മൂലം പ്രവർത്തനരഹിതമായ എസ്‌കലേറ്ററാണ് ജി.സി.ഡി.എ പുതുക്കിയത്. നൂതന രീതിയിലുള്ള ടു വേ എസ്‌കലേറ്ററാണ് സ്ഥാപിച്ചിട്ടുള്ളത്. ജി.സി.ഡി.എ ചെയർമാൻ കെ. ചന്ദ്രൻപിള്ള അദ്ധ്യക്ഷത വഹിക്കുന്ന ചടങ്ങിൽ മേയർ എം.അനിൽ കുമാർ മുഖ്യപ്രഭാഷണം നടത്തും. ഹൈബി ഈഡൻ എം.പി, ടി.ജെ.വിനോദ് എം.എൽ.എ എന്നിവർ പങ്കെടുക്കും.