പറവൂർ: കരിമ്പാടം ധർമ്മാർത്ഥദായിനിസഭ ശ്രീവല്ലീശ്വരി ക്ഷേത്രത്തിൽ തിരുവാതിര ആറാട്ട് മഹോത്സവത്തിന് ക്ഷേത്രം തന്ത്രി പറവൂർ രാകേഷിന്റെ മുഖ്യകാർമ്മികത്വത്തിൽ കൊടിയേറി. ഇന്ന് ഗുരുദേവ കൃതികളുടെ പാരായണം, കൈകൊട്ടിക്കളി, ഭഗവതിക്കളം, നൃത്തസന്ധ്യ. 23ന് തിരുവാതിരക്കളി, കൈകൊട്ടിക്കളി, ഭക്തിസംഗീതസന്ധ്യ. 24ന് പൂമൂടൽ, ഫോക്ഈവ്. 25ന് മെഗാതിരുവാതിര, നൃത്തസന്ധ്യ. വലിയവിളക്ക് മഹോത്സവദിനമായ 26ന് ശ്രീബലി എഴുന്നള്ളിപ്പ്, ഓട്ടൻതുള്ളൽ, കാഴ്ചശ്രീബലി, ഫാൻസി വെടിക്കെട്ട്, പള്ളിവേട്ട. തിരുവാതിര ആറാട്ട്. മഹോത്സവദിനമായ 27ന് രാവിലെ നാരായണീയ പാരായണം, ആറാട്ട് സദ്യ, ആറാട്ട്ബലി, പുറപ്പാട്. തുടർന്ന് ആറാട്ട് വിളക്ക്, വലിയകുരുതി തർപ്പണശേഷം കൊടിയിറക്ക്.