കൊച്ചി: ഇന്ത്യയിലെ ഏറ്റവും വലിയ ഫ്ളെക്‌സിബിൾ വർക്ക്‌സ്‌പേസ് സൊല്യൂഷൻസ് കമ്പനിയായ ഓഫിസ് സ്‌പേസ് സൊല്യൂഷൻസ് ലിമിറ്റഡ് പ്രാഥമിക ഓഹരി വിൽപനയ്ക്ക് (ഐപിഒ) അനുമതി തേടി സെബിക്ക് കരടുരേഖ(ഡി.ആർ.എച്ച്.പി) സമർപ്പിച്ചു. 160 കോടി രൂപയുടെ പുതിയ ഓഹരികളും പ്രമോട്ടർമാരുടെയും നിലവിലുള്ള നിക്ഷേപകരുടെയും 10,023,172 ഇക്വിറ്റി ഓഹരികളുടെ ഓഫർ ഫോർ സെയിലുമാണ് ഐ.പി.ഒയിൽ ഉൾപ്പെടുത്തിയിരിക്കുന്നത്.

ഐ.സി.ഐ.സി.ഐ സെക്യൂരിറ്റീസ് ലിമിറ്റഡ്, ആക്‌സിസ് കാപ്പിറ്റൽ ലിമിറ്റഡ്, ഐ.ഐ.എഫ്.എൽ സെക്യൂരിറ്റീസ്, എംകെ ഗ്ലോബൽ ഫിനാൻഷ്യൽ സർവീസസ് ലിമിറ്റഡ് എന്നിവരാണ് ബുക്ക് റണ്ണിംഗ് ലീഡ് മനേജർമാർ.