രാമമംഗലം: നിരന്തര കു​റ്റവാളിയെ കാപ്പചുമത്തി നാടുകടത്തി. രാമമംഗലം ഓണക്കൂർ പിറമാടം പൂവത്തുംതൊട്ടിയിൽ ജോമോൻ പി. ഏല്യാസിനെയാണ് (38) 6 മാസത്തേയ്ക്ക് നാടുകടത്തിയത്. ജില്ലാ പൊലീസ് മേധാവി ഡോ. വൈഭവ് സക്‌സേനയുടെ റിപ്പോർട്ടിന്റെ അടിസ്ഥാനത്തിൽ റേഞ്ച് ഡി.ഐ.ജി പുട്ട വിമലാദിത്യയാണ് ഉത്തരവിട്ടത്. രാമമംഗലം, കൂത്താട്ടുകുളം പൊലീസ് സ്​റ്റേഷൻ പരിധികളിൽ കൊലപാതകശ്രമം, ഭീഷണിപ്പെടുത്തൽ, ദേഹോപദ്റവം തുടങ്ങിയ കേസുകളിൽ പ്രതിയാണ്.