കൊച്ചി: മുൻനിര ടാർപോളിൻ, പ്ലാസ്റ്റിക് ഷീറ്റ് ഉത്പ്പാദകരായ ഗുജറാത്ത് റഫിയ ഇൻഡസ്ട്രീസ് ലിമിറ്റഡ് (ഗ്രിൽ) സൗരോർജ്ജ രംഗത്തേക്കും ചുവടുവെക്കുന്നു. നിലവിൽ ടെന്റുകൾ, അഗ്രോ ഷീറ്റ്‌സ്, ഗ്രൗണ്ട് ഷീറ്റ്‌സ്, പിപി ബാഗ്‌സ് തുടങ്ങി നിരവധി ഉത്പന്നങ്ങൾ വിപണിയിറക്കുന്നുണ്ട്. കഴിഞ്ഞ സാമ്പത്തിക വർഷം മാത്രം 10.33 കോടി രൂപയാണ് കയറ്റുമതിയിൽ നിന്നുള്ള വരുമാനം. 25 ശതമാനം വളർച്ച നേടി. യുഎസ്എ, യുകെ, ഇസ്രയേൽ, യമൻ, ഹംഗറി, റൊമേനിയ തുടങ്ങി വിവിധ രാജ്യങ്ങളിലേക്കാണ് കയറ്റുമതി.