തൊടുപുഴ: കെ.ജി.എം.ഒ.എ 57 മത് സംസ്ഥാന വാർഷിക സമ്മേളനം 'പ്രഗതി 24' ന്റെ ഭാഗമായി ന്യൂമാൻ കോളേജിൽ എയ്ഡ്‌സ് ദിനഘോഷവുംവിളംബര ജാഥയും നടത്തി. ജില്ലാ പ്രസിഡന്റ് ഡോ. അൻസൽ നബി, ന്യൂമാൻ കോളേജ് പ്രിൻസിപ്പൽ ഡോ. ബിജിമോൾ തോമസ്,കോളേജ് ബർസാർ ഫാദർ ബെൻസൺ എൻ .ആന്റണി,സിസ്റ്റർ തെരേസ, ഡോ. പ്രീതി സി. ജെ, ഡോ. രജിത് കെ. ആർ, ഡോ. സാം എന്നിവർ പ്രസംഗിച്ചു. ഡോ. സിബിമോൾ, ഡോ. ഗോകുൽ രാജ് എന്നിവർ ക്ലാസ്സ് നയിച്ചു.
പ്രഗതി 24' വാർഷിക സമ്മേളനത്തിന്റെ ഭാഗമായി നാളെ കുട്ടികൾക്ക് അമൃതകിരണം ക്വിസ് മത്സരവും 6 ന് ചിന്നകനാലിൽ ട്രൈബൽ മേഖലയിലെ കുട്ടികൾക്ക് മെഡിക്കൽ ക്യാമ്പും നടത്തുമെന്നു കെ.ജി.എം.ഒ.എ നേതൃത്വം അറിയിച്ചു.