ഇടുക്കി : കഞ്ഞിക്കുഴി ഗവ.ഐ.ടി.ഐയിൽ എ.സി.ഡി കം എംപ്ലോയബിലിറ്റി സ്‌കിൽ വിഷയം പഠിപ്പിക്കുന്നതിനായി ഗസ്റ്റ് ഇൻസ്ട്രക്ടറുടെ ഒരു ഒഴിവുണ്ട്. എഞ്ചിനീയറിങ് ഡിഗ്രിയും ഒരു വർഷത്തെ പ്രവൃത്തിപരിചയവും അല്ലെങ്കിൽ മൂന്നു വർഷ എഞ്ചിനീയറിങ് ഡിപ്ലോമയും രണ്ടു വർഷത്തെ പ്രവൃത്തിപരിചയവും അല്ലെങ്കിൽ എഞ്ചിനീയറിംഗ് ട്രേഡിൽ എൻ.ടി.സി അല്ലെങ്കിൽ എൻ.എ.സിയും മൂന്നു വർഷത്തെ പ്രവൃത്തിപരിചയവുമാണ് യോഗ്യത. കൂടാതെ പ്ലസ് 2 തലത്തിലോ ശേഷമോ ഇംഗ്ലീഷ്, കമ്യൂണിക്കേഷൻ സ്‌കിൽസ് ആൻഡ് ബേസിക് കമ്പ്യൂട്ടർ പഠിച്ചിരിക്കണം. ബന്ധപ്പെട്ട ട്രേഡിൽ ക്രാഫ്റ്റ് ഇൻസ്ട്രക്ടർ സർട്ടിഫിക്കറ്റ് ഉള്ള ഉദ്യോഗാർഥികൾക്ക് മുൻഗണന ലഭിക്കും. നിശ്ചിത യോഗ്യതയുള്ള ഉദ്യോഗാർത്ഥികൾ നാളെ രാവിലെ 11 ന് കഞ്ഞിക്കുഴി ഗവ. ഐ.ടി.ഐ പ്രിൻസിപ്പൾ മുമ്പാകെ എല്ലാ അസ്സൽ സർട്ടിഫിക്കറ്റുകളും അവയുടെ പകർപ്പുകളും സഹിതം ഇന്റർവ്യൂവിന് ഹാജരാകണം. കൂടുതൽ വിവരങ്ങൾക്ക് ഫോൺ 04862 291938, 9495373365.