കട്ടപ്പന: കലോത്സവത്തിൽ നിന്ന് ചെമ്മണ്ണ് ഗവ. ഹൈസ്‌കൂളിലേക്ക് ആദ്യ സമ്മാനം കൊണ്ടുവന്നതിന്റെ പെരുമ ഇവ ഗ്രേസ് വിക്ടറിന്. എച്ച്.എസ് വിഭാഗം തമിഴ് ലളിതഗാനത്തിലാണ് ഈ മിടുക്കി ഒന്നാമതെത്തിയത്. കൃഷ്ണനെക്കുറിച്ചുള്ള താരാട്ടുപാട്ടായ ''ആയർപാടി മാളികയിൽ'' എന്നുതുടങ്ങുന്ന ഗാനം യുട്യൂബിൽ കണ്ടാണ് ഇവ പഠിച്ചത്. ചെമ്മണ്ണ് സ്‌കൂളിൽ നിന്ന് ആദ്യമായാണ് ഒരു മത്സരാർത്ഥി ജില്ലാതലത്തിൽ മത്സരിക്കുന്നത്. മലയാളം ലളിതഗാനത്തിന് എ ഗ്രേഡും ഇവ ഗ്രേസ് സ്വന്തമാക്കി. ചെമ്മണ്ണ് ഗ്രേസ്പറമ്പിൽ ജീൻ വിക്ടർ ജീൻ ബെനീന ദമ്പതികളുടെ മകളാണ്.