തൊടുപുഴ: കള്ള് ചെത്ത് വ്യവസായത്തിൽ ജോലി ചെയ്തു വിരമിച്ച തൊഴിലാളികൾക്ക് നല്കിവരുന്ന പെൻഷൻ മസ്റ്റർ ചെയ്തില്ലെന്ന ന്യായം പറഞ്ഞ് മാസങ്ങളോളം കുടിശിഖ വന്നിരിക്കുകയാണ്.ഇത്സംബന്ധിച്ച് ചെത്തുതൊഴിലാ ളി ക്ഷേമനിധി ബോർഡിന്റെ തീരുമാനം അങ്ങയറ്റം പ്രതിഷേധാർഹമാണെന്നും നിലപാട് തിരുത്തണമെന്നും കള്ള് വ്യവസായ പെൻഷൻ തൊഴിലാളി യൂണിയൻ (എ. ഐ. ടി. യു. സി) താലൂക്ക് കൺവൻഷൻ ആവശ്യപ്പെട്ടു. .10 വർഷം സർവ്വീസ് ഉള്ളവർക്ക് പെൻഷൻ എന്ന തീരുമാനം അട്ടിമറിച്ച് 60 വയസ് കഴിഞ്ഞവർക്കെ പെൻഷൻ നല്കുകയുള്ളുവെന്ന ബോർഡിൽ നടക്കുന്ന ആ ലോചന അങ്ങയറ്റം തൊഴിലാളിവിരുദ്ധവും പെൻഷൻ നിയമത്തിന്റെ ലംഘനവുമാണ്. തൊഴിലാളിവിരുദ്ധ നിലപാടുകൾക്കെതിരെ ശക്തമായ പ്രക്ഷോഭം സംഘടിപ്പിക്കുാൻ തൊടുപുഴ വഴിത്തല ഭാസ്കരൻ സ്മാരക ഹാളിൽ ചേർന്നയോഗം തീരുമാനിച്ചു. യൂണിയൻ പ്രസിഡന്റ് പി.എൻ വിജയൻ അദ്ധ്യക്ഷത വഹിച്ചു.എ. ഐ. ടി. യു. സി ജില്ലാ ട്രഷറർ പി.പി ജോയി കൺവെൻഷൻ ഉദ്ഘാടനം ചെയ്തു. കെ.എൻ ശശി, സി.ഇ രവി, കെ.സി. വിജയസാഗർ, ഇ എം ഗോപി. പി.ജി. ജനാർദ്ദനൻ , പി.എൻ സഹദേവൻ എന്നിവർ പ്രസംഗിച്ചു.