ഇടുക്കി: ജില്ലയിലെ നവകേരള സദസിന്റെ രണ്ടാം ദിനത്തിൽ മുഖ്യമന്ത്രിയേയും മന്ത്രിമാരെയും സ്വീകരിച്ചത് സുഗന്ധദ്രവ്യങ്ങൾ നൽകി.ജില്ലയിലെ നവകേരള സദസിന്റെ രണ്ടാം ദിനത്തിൽ ഇടുക്കി ഐ .ഡി. എ ഗ്രൗണ്ടിൽ നടന്ന സദസിൽ ഏലയ്ക്ക, കുരുമുളക് തുടങ്ങിയ വിവിധ സുഗന്ധദ്രവ്യങ്ങൾ അടങ്ങിയ ബോക്‌സും ഹാരവും കിരീടവും മന്ത്രിസഭയെ അണിയിച്ചു.സുഗന്ധവ്യഞ്ജഞങ്ങൾക്ക് പേരു കേട്ട ജില്ലയുടെ ജനഹിതം അറിയാൻ വന്ന ജനനായകന്മാരെ പൂർണ മനസോടെ നെഞ്ചിലേറ്റിയ അടയാളമായിരുന്നു സ്വീകരണം.മന്ത്രി റോഷി അഗസ്റ്റിൻ, എം എം മണി എം എൽ എ, ബ്ലോക്ക് പഞ്ചായത്ത് പ്രസിഡന്റ് രാജി ചന്ദ്രൻ, ജില്ലാ പഞ്ചായത്ത് മെമ്പർമാർ, വിവിധ ഗ്രാമപഞ്ചായത്ത് പ്രസിഡന്റുമാർ തുടങ്ങിയവർ ജനനായകരെ സ്വീകരിച്ചു.