തൊടുപുഴ: വെങ്ങല്ലൂർ ചെറായിക്കൽ ക്ഷേത്ര ഓഡിറ്റോറിയത്തിൽ നടന്ന എസ്. എൻ. ഡി. പി യോഗം തൊടുപുഴ മേഖലയിലെ ശാഖകളുടെ നേതൃത്ത്വ സംഗമം ഉണർവ് 2024 പങ്കാളിത്വംകൊണ്ട് ശ്രദ്ധേയമായി 500 ൽ പരം ശാഖാ ഭാരവാഹികൾ സംബന്ധിച്ചു. യൂണിയൻ കൺവീനർ വി.ബി സുകുമാരന്റെ അദ്ധ്യക്ഷതയിൽ ചേർന്ന യോഗം യൂണിയൻ ചെയർമാൻ ബിജു മാധവൻ ഉദ്ഘാടനം ചെയ്തു. സംഘാടനാ രംഗത്ത് വരും വർഷങ്ങളിൽ നടത്തേണ്ട മാറ്റങ്ങളെക്കുറിച്ചും പ്രവർത്തന രീതിയെക്കുറിച്ചുംഅദ്ദേഹം വിശദീകരിച്ചു. കലോൽസവ വിജയികളായ ശാഖാംഗങ്ങളുടെ മക്കളെ ആദരിച്ചു. , മേഖലയിലെ ഏറ്റവും മികച്ച കുടുംബയോഗമായ വഴിത്തല ശാഖയിലെ കുടുംബയോഗം ചെയർമാൻ , കൺവീനർ എന്നിവരെ ആദരിച്ചു യൂണിയൻ അഡ്മിനിസ്റ്റീവ് കമ്മറ്റിയംഗങ്ങളായ പി.ടി ഷിബു, എ.ബി സന്തോഷ്, സ്മിത ഉല്ലാസ് എന്നിവർ പ്രസംഗിച്ചു. യൂണിയൻ അഡ്മിനിസ്‌ട്രേറ്റീവ് കമ്മറ്റിയംഗം കെ. കെ മനോജ് സ്വാഗതവും വനിത സംഘം പ്രസിഡന്റ് ഗിരിജ ശിവൻ നന്ദിയും പറഞ്ഞു.