കലൂർക്കാട് : 23,24 തീയതികളിൽ കലൂർക്കാട് -പെരുമാങ്കണ്ടം കെ എസ് ടി പി റോഡിൽ നടത്തുന്ന സംസ്ഥാന റോഡ് സൈക്ലിങ് ചാമ്പ്യൻഷിപ്പിന്റെ സംഘാടക സമിതി ഓഫീസ് കലൂർക്കാട് കണിയാർകുടി വൈദ്യശാല കെട്ടിടത്തിൽ പ്രവർത്തനമാരംഭിച്ചു. എറണാകുളം ജില്ല പഞ്ചായത്ത് പ്രസിഡന്റ് ഉല്ലാസ് തോമസ് ഓഫീസിന്റെ ഉദ്ഘാടനം നിർവ്വഹിച്ചു. ഗ്രാമപഞ്ചായത്ത് പ്രസിഡന്റ് സുജിത് ബേബി ചടങ്ങിൽ അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ പ്രൊഫ. ജോസ് അഗസ്റ്റിൻ, ഗ്രാമ പഞ്ചായത്ത് അംഗങ്ങളായ ജിബി എം കെ, ജോർജ് ഫ്രാൻസിസ്, ഷൈനി ജെയിംസ്, പ്രേമലത പ്രഭാകർ, സണ്ണി സെബാസ്റ്റ്യൻ, ബാബു മനക്കപറമ്പിൽ, സംസ്ഥാന സൈക്ലിങ് അസോസിയേഷൻ വൈസ് പ്രസിഡന്റ് എൻ .രവീന്ദ്രൻ, ജില്ലാ പ്രസിഡന്റ് അഡ്വ. ജോർളി കുര്യൻ, തുടങ്ങിയവർ പ്രസംഗിച്ചു. സംഘാടക സമിതി കൺവീനർ എ പി മുഹമ്മദ് ബഷീർ സ്വാഗതവും ജില്ല കമ്മിറ്റി അംഗം ഷാജി തത്തമ്പിള്ളി നന്ദിയും പറഞ്ഞു.