നെടുങ്കണ്ടം: പച്ചടി ശ്രീനാരായണ എൽ.പി സ്‌കൂളിൽ ഇത്തവണ വളരെ വിപുലമായി ക്രിസ്മസ് ആഘോഷം സംഘടിപ്പിച്ചു. കരോൾ ഗാനവും ക്രിസ്മസ് റാലിയും ക്രിസ്മസ് പാപ്പാ മത്സരവും നടന്നു. തുടർന്ന് സ്‌നേഹവിരുന്ന്, കേക്ക് വിതരണം എന്നിവയുമുണ്ടായിരുന്നു. പരിപാടികൾ സ്‌കൂൾ ഹെഡ്മാസ്റ്റർ പി.കെ. ബിജുവിന്റെ അദ്ധ്യക്ഷതയിൽ സ്‌കൂൾ മാനേജർ സജി ചാലിൽ ഉദ്ഘാടനം ചെയ്തു. എസ്.എൻ.ഡി.പി യോഗം നെടുങ്കണ്ടം ശാഖാ സെക്രട്ടറി മണിക്കുട്ടൻ, സ്‌കൂൾ പി.ടി.എ പ്രസിഡന്റ് പ്രസന്നകുമാർ കൊല്ലംപറമ്പിൽ, എം.പി.ടി.എ പ്രസിഡന്റ് ബിജി മരിയ ചാണ്ടി, സ്‌കൂൾ സീനിയർ അസിസ്റ്റന്റ് സുജാത എം.ആർ, പി.ടി.എ സെക്രട്ടറി കെ.വി. സതീഷ്, അദ്ധ്യാപകർ, പി.ടി.എ ഭാരവാഹികൾ തുടങ്ങിയവരെല്ലാം പരിപാടികൾക്ക് നേതൃത്വം നൽകി.